بقلم – عدلى محمد عيسى
لما رئيس الدولة – يسأل مسئول ، ويفاجئ بأن سيادة المسئول مفيش عنده إجابة أو رد علي أى سؤال ده معناه إيه – معناه إن السيد المسئول ميعرفش حاجة عن عمله بصفته إن كان وزير أو محافظ او رئيس حي !….
و(المحافظ هو مسئول عن المحافظة) – التي تحت إدارته بكل موظفيها ومؤسساتها ومنشئاتها التى داخل المحافظة ، وبمعنى أن يكون هو ( صلاحياته تمثل الرئيس ) في محافظته ولابد أن يكون علي علم تام بكل الأمور في المحافظة ، والكل داخل المحافظة مسئول أمامه ، أما هو فمسئول أمام الرئيس – ( والرئيس مسئول أمام الله ثم شعبه ثم التاريخ ) ….
وعندما يقول ( الرئيس ) أنه يعلم عن “مصر” كل شيئ وكل جنيه في البلد ، فده معناه أن سيادته بيشتغل لوحده وحتى نكون أكثر إنصافاً ، وأكثر صدقاً وتحديداً، ولا نكون من الذين يتجاهلون إنجازات من يعمل بجد في الدولة ، علينا أن نذكر سيادة الفريق “كامل الوزيري”، كنموذج مشرف يعمل بكل كد وكفاءة ، ومن يعمل تحت إدارته من عسكريين ومدنين ، وبما أن هناك من لا يعلمون عن أماكن عملهم وما يتم من أعمال ، أو ما يوجد من نواقص وإحتياجات ، أو ما يتم تحصيله وإنفاقه وبصراحة كده يعني ، كل الي يعرفوه الكرسي والمكتب والباشا راح الباشا جه ، وكل مانخشاه أن يكون ده الحال بين البعض من أصحاب المكاتب ، وعلى جميع الدرجات والمستويات الوظيفية والإدارية ، وكفاية عليهم قوى كده حيشغلوا نفسهم ليه ؟!!
علشان لما قلنا من قبل أن (الرئيس شغال لوحده) -في الداخل وبيقوم بعمل جاد ، وإتفاقيات في الخارج ورحلات من هنا إلى هنا ، والمسئول هنا مش عارف يرد علي أى سؤال معندوش معلومة ده معناه إنه بيقضي وقت وخلاص فوق كرسى المنصب !
وبما أن الناس اللى شغالة مثل سيادة “اللواء كامل الوزيري” – يبقى دول أكيد واللى زيهم همة الأحق والأجدر بالأماكن والكراسى والمناصب دي بقى – ( اللى هي فى حقيقتها مهام وتكليف ومسئولية ) – علشان دي ناس مبتهزرش وعارف هو واللى زيه يعني إيه المسئولية وعارف أنه لو سأل لازم يجاوب الناس دي كده ، وإلا ها يكون ما لهوش أى لازمة وها يبقى الرئيس فى المحصلة – بيشتغل لوحده وبطوله واللى حواليه مجرد كمالة عدد !!!!
